« enavos

Augmentar l'atgna cybersegirezza n'è gnanc uschè difficil. Cun meds simpels, cun pauca lavur ed en mo tschintg pass pudais Vus meglierar considerablamain Vossa segirezza digitala. Cun il pled da memoria SUPER pudais Vus optimar Vossa segirezza en l'internet::

S sco «Segirar»

• Segirai regularmain Vossas datas sin almain in segund medium

U sco «Updates»

• Actualisai regularmain Voss sistem, Voss programs e Vossas apps cun la pli nova versiun

P sco «Proteger»

• Controllai tar Voss apparat, sch'igl è installà in program d'antivirus e sche quel vegn actualisà permanentamain

E sco «Endrizzar»

• Endrizzai mo pleds-clav ferms per far ils logins

R sco «Reducir»

• Reduci ristgas d'engion en il spazi digital cun ina sauna purziun da disfidanza

Dapli davart ils singuls pass chattais Vus sin la pagina d'internet cuminaivla da la Prevenziun svizra da la criminalitad s-u-p-e-r e dal Center naziunal per la cybersegirezza (NCSC).