Dals 11 fin ils 23 favrer 2025 ha gì lieu a Lantsch il campiunadi mundial da biatlon. La polizia da regiuns da la Polizia chantunala dal Grischun ha sustegnì ils organisaturs per garantir las mesiras da segirezza. Oravant tut èsi vegnì guardà ch'il concept da traffic dals organisaturs vegnia realisà e che l'unica axa da traffic restia libra. Ultra da quai è vegnì fatg frunt preventivamain a cumportaments chastiabels cun preschientscha visibla ma er cuverta. Durant tut il temp n'hai dà nagins incidents considerabels, nua che las forzas d'acziun avessan stuì intervegnir. La Polizia chantunala dal Grischun po guardar enavos ina giada dapli sin in'occurrenza gronda da sport superada cun success.