Edifizis communabels pon vegnir sustegnids da la Confederaziun e dal chantun cun contribuziuns betg rembursablas. En il territori da muntogna e d'alpegiada vegnan contribuziuns concedidas per edifizis e stabiliments communabels per l'elavuraziun, per il deposit e per la commerzialisaziun da products agriculs da derivanza d'animals sco er da plantas. Er manaschis commerzials pitschens pon vegnir sustegnids cun contribuziuns, sche lur activitad cumpiglia almain l'emprim stgalim d'elavuraziun da materias primas agriculas. Sin manaschis d'alpegiada vegnan sustegnids en emprima lingia edifizis simpels per il persunal, per l'elavuraziun da latg sco er edifizis d'alp per animals da niz. En il center stattan qua animals da niz che vegnan mulschids e che maglian pavel sitg.

La contribuziun vegn fixada sco pauschala per unitad.