En l'Archiv dal stadi dal Grischun pon vegnir consultads er registers d'archivs ed archivalias da differents archivs externs.

Ils registers d'archivs èn las regestas ed ils registers davart ils effectivs da documents ed ils cudeschs d'archiv dals archivs communals, cirquitals e da cuntrada fin l'onn 1799. Ina glista cumpletta chattais Vus qua. En il sistem d'infurmaziun d'archiv pon quels vegnir consultads online. Ils registers d'archivs dals archivs communals, cirquitals e districtuals a partir da l'onn 1803 sa chattan en ils effectivs II 5 c Archivs da las vischnancas, dals circuls e dals districts ed S4 Registers dals archivs communals, cirquitals e districtuals (redids a partir da l'onn 2013). Quests registers n'èn betg avant maun en furma digitala.

Las archivalias èn d'ina vart collecziuns istoricas da documents, dad actas e da cudeschs d'archivs communals, cirquitals e districtuals sco er d'archivs da baselgia e d'archivs privats dal Grischun. Da l'autra vart vegnan copiads per part u dal tuttafatg inventaris d'archivs extrachantunals u da l'exteriur ch'èn da gronda impurtanza per il Grischun e per sia istorgia. Tranter ils archivs sa chattan archivs statals ed archivs da famiglia privats.
Tut ils documents dals archivs externs èn avant maun sco fotocopias u sin microfilm e pon vegnir consultads en l'Archiv dal stadi.
Ultra dals instruments da tschertga PDF per mintga inventari menziunads qua sutvart porscha il sistem d'infurmaziun d'archiv ina tschertga en tut ils effectivs avant maun.