Practicist/-a da mantegniment AFP (servetsch da chasa)
Champ d'incumbensas
Durant tes temp d'emprendissadi lavuras ti ubain al Plantahof a Landquart, en l'uffizi da construcziun bassa Mesocco, en l'uffizi da construcziun auta u en l'uffizi per la furmaziun media-superiura a Cuira.
Tias fermezzas èn
- Inschign manual
- Chapientscha tecnica pratica
- Fidadadad
- Abilitad da supportar squitsch corporal
- Abilitad da lavurar en in team
Accents da la scolaziun
Sco practicista/practicist da mantegniment gidas ti a montar ed a mantegnair indrizs da la tecnica da chasa sco stgaudaments, indrizs da ventilaziun e da climatisaziun, sco er d'installaziuns sanitaras.
La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.
Scolaziun
| Durada: |
2 onns |
| Scola: |
1 di per emna scola professiunala
curs intermanaschials
|
| Finiziun: |
attest federal da furmaziun professiunala "practicista/practicist da mantegniment AFP" |
Pretensiun
Pussaivladads d'absolver furmaziuns supplementaras suenter l'emprendissadi
La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:
- Curs da scolas spezialisadas e da scolas professiunalas spezialisadas sco er da la federaziun professiunala svizra per il mantegniment dal manaschi SFB
- Practicistas/practicists da mantegniment AFP pon far ina furmaziun da basa scursanida sco spezialista/spezialist per il mantegniment dal manaschi AFQ (entrada en il 2. onn da la furmaziun da basa)
Suenter pon vegnir absolvidas las medemas furmaziuns supplementaras sco per spezialistas/spezialists per il mantegniment dal manaschi AFQ.