Spezialist/-a per il mantegniment dal manaschi AFQ (servetsch da chasa)
Champ d'incumbensas
Durant tes temp d'emprendissadi lavuras ti ubain al Plantahof a Landquart, en l'uffizi da construcziun bassa Mesocco, en l'uffizi da construcziun auta u en l'uffizi per la furmaziun media-superiura a Cuira.
Tias fermezzas èn:
- inschign manual
- chapientscha tecnica pratica
- fidadadad
- abilitad da supportar squitsch corporal
- abilitad da lavurar en in team
Accents da la scolaziun
Sco spezialista/spezialist per il mantegniment dal manaschi es ti ina generalista absoluta/in generalist absolut. Ti surveglias la tecnica da chasa, fas reparaturas, tgiras parcs, mantegnas maschinas. Tar tias incumbensas tutgi tranter auter da midar stuppadiras da fanestras, lampas, serradiras e segiranzas, da controllar ils stgaudaments e las installaziuns electricas e da reparar mobiglias u saivs. La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.
Scolaziun
Durada: |
3 onns
|
Scola: |
1 di per emna scola professiunala
16 dis curs intermanaschials |
Finiziun: |
attestat federal da qualificaziun "spezialista/spezialist per il mantegniment dal manaschi AFQ" |
Pretensiun
Pussaivladads d'absolver furmaziuns supplementaras suenter l'emprendissadi
La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:
- curs da scolas spezialisadas e da scolas professiunalas spezialisadas sco er da la federaziun professiunala svizra per il mantegniment dal manaschi SFB
- tut tenor la prioritad da la furmaziun da basa terminada: pedella/pedel cun certificat professiunal federal (servetsch da chasa) u poliera/polier per il mantegniment da las vias cun certificat professiunal federal (servetsch tecnic)
- p.ex. pedella/pedel dipl. u manadra/manader facility management dipl.
- scolaziuns en secturs specifics parentads, p.ex. mainagestiun en facility management SSS dipl. u tecnicista/tecnicist SSS surveglianza da construcziun dipl., approfundaziun construcziun da vias da traffic
- studis en secturs specifics parentads, p.ex. bachelor of science (SAS) en facility management