Mecatronista u mecatronist d'autos AFQ
Champ d'incumbensas
Ti lavuras tar in Uffizi da construcziun bassa e realiseschas / fas là controllas da sistem e da funcziun sco er simplas lavurs da diagnosa tar autos da persunas e da squadra. Ti reparas motors, tracziuns, schassis ed electronica.
Tias fermezzas èn
- Buna chapientscha tecnica
- Bun dun receptiv
- Pensar logic
- Inschign manual
- Moda da lavurar exacta e conscienziusa
- Fidadadad e senn da responsabladad
- Independenza
- Demananza curtaschaivla (contact cun la clientella)
Accents da la scolaziun
Ti liquideschas independentamain lavurs da service e da controlla. Ti testeschas ils sistems d'injecziun da carburant cun agid d'apparats spezials, giusteschas sistems, mesiras il frain e controlleschas elements electronics dal schassis, p.ex. assistents dal frain. En il sectur da la tschertga da sbagls e da la reparatura diagnostitgeschas e tschertgas ti disturbis sco er elimineschas raschuns, examineschas sistems d'assistenza dal manischunz, sistems d'infotainment, sistems ibrids e sistems da tracziun electrics e remplazzas elements defects.
La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.
Scolaziun
| Durada: |
4 onns |
| Scola: |
1 fin 1 ½ dis per emna scola professiunala
differents curs intermanaschials
|
| Finiziun: |
attestat federal da qualificaziun "Mecatronista u mecatronist d'autos AFQ" |
Pretensiun
- Scola populara terminada
- Test da qualificaziun UPSA
Pussaivladads d'absolver furmaziuns supplementaras suenter l'emprendissadi
La furmaziun professiunala da basa è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:
- Curs da l'Uniun professiunala svizra da l'automobil (UPSA) e da las scolas professiunalas spezialisadas
- Diagnosticra u diagnosticher d'automobils
- Cussegliadra u cussegliader da service d'autos
- Cussegliadra u cussegliader da vendita d'autos
- Coordinatura u coordinatur da lavuratoris d'autos
- Restauratura u restauratur da vehichels
- Spezialista u spezialist da pneus
- Gidantra stradala u gidanter stradal
- Economa u econom da manaschi dipl. dal sectur d'automobils
- Tecnicista u tecnicist SSS da construcziun da maschinas dipl. ubain tecnicista u tecnicist SSS d'electrotecnica dipl.
- Bachelor of science (SAS) en tecnica d'automobils e da vehichels