Champ d'incumbensas
Ti lavuras al Plantahof a Landquart. Qua emprendas ti tut davart la cultivaziun dad ers e davart la planticultura sco er davart la tegnida d'animals per la producziun da charn, da latg e d'ovs.
Tias fermezzas èn
- Interess da la natira e da las plantas
- Plaschair da lavurar cun animals
- Chapientscha per connexs da la natira
- Pensar tenor princips d'interpresa
- Inschign artisanal-pratic
- Chapientscha tecnica, inschign en il diever da maschinas
- Prontezza da far lavurs malnettas e da lavurar las fins d'emna
- Buna sanadad
Accents da la scolaziun
En la cultivaziun dad ers ed en la planticultura emprendas ti, tge planta che vegn semnada, tgirada e racoltada nua, co e cura. Ti enconuschas l'applicaziun da la protecziun da las plantas efficazia ed ecologica ed ils meds per ladar.
En la tegnida d'animals t'occupas ti da la pavlada, da la tgira dals animals e da lur moviment, dal nettegiament e dal mantegniment da las stallas e dals stabiliments. Ti elavuras latg, charn, ovs, fritgs e legums.
Per la gronda part da las lavurs ta stattan a disposiziun tractors, maschinas da segar e da racoltar ed ulteriurs apparats, per il mantegniment dals quals ti portas la responsabladad.
Scolaziun
| Durada: |
3 onns |
| Scola: |
1./2. onn d'emprendissadi: ca. 1 di per emna a la scola professiunala spezialisada
3. onn d'emprendissadi: curs da bloc en ina scola d'agricultura
En cas da fitg bunas prestaziuns en scola po vegnir frequentada la scolaziun da maturitad professiunala en moda cumplementara a l'emprendissadi.
Curs intermanaschials davart differents temas.
|
| Finiziun: |
attestat federal da qualificaziun "pura/pur AFQ" |
Pretensiun
- Scola populara terminada
- Cun in attest federal da furmaziun professiunala agricula AFP u cun in attestat federal da qualificaziun AFQ d'ina autra professiun u cun in examen da maturitad sa reducescha la scolaziun per regla a 2 onns
Pussaivladads d'absolver furmaziuns supplementaras suenter l'emprendissadi
La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:
- Curs da centers da furmaziun e da cussegliaziun agricula
- Suenter la finiziun da la furmaziun da basa po vegnir absolvida ina furmaziun da basa scursanida dad 1 onn en in'autra professiun agricula
- Mainagestiun da l'agricultura, da la cultivaziun da legums, da la pumicultura u da la tratga da giaglinom cun certificat professiunal federal u in auter examen professiunal en il champ professiunal da l'agricultura; spezialista/spezialist d'agricultura biodinamica cun certificat professiunal federal
- Maistra pura/maister pur, maistra/maister da la tratga da giaglinom, maistra ortulana da verdura/maister ortulan da verdura, maistra/maister da la pumicultura u in auter examen professiunal superiur en il champ professiunal da l'agricultura
- Agrotecnicra/agrotecnicher SSS dipl., commerzianta/commerziant d'agricultura SSS dipl.
- Bachelor of science (SAS) en agronomia, bachelor of science (SAS) en inschigneria da l'ambient, bachelor of science (SAS) en tecnologia da victualias