Spezialist/-a d'infurmaziun e da documentaziun AFQ
Champ d'incumbensas
Ti lavuras en la biblioteca chantunala dal Grischun e t'occupas da la tscherna, da l'acquist, da la cataloghisaziun e dal tegnair en salv sco er da la preschentaziun e da l'intermediaziun da medias e d'infurmaziuns.
Tias fermezzas èn
- Flexibilitad spiertala
- Interess e mirveglias
- In pensar analitic e sistematic
- Talent per linguas (a bucca ed en scrit)
- Abilitad da communitgar
- Gronda fidadadad
- Senn per urden
- Conscienza per ils servetschs
- Interess per las tecnologias d'infurmaziun e per las medias electronicas
Accents da la scolaziun
Ti gidas a stabilir ed a cataloghisar in effectiv da medias. Ti procuras infurmaziuns sur l'internet ed empostas cudeschs. Per che las medias e las infurmaziuns possian vegnir chattadas pli tard, las cataloghiseschas ti. Ti registreschas il titel ed autras indicaziuns en la banca da datas. Tia incumbensa èsi plinavant da metter las medias al dretg lieu e da las tegnair en salv correctamain.
La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.
Scolaziun
| Durada: |
3 onns |
| Scola: |
2 dis per emna a Turitg
30 dis curs intermanaschials |
| Finiziun: |
attestat federal da qualificaziun "spezialista/spezialist d'infurmaziun e da documentaziun AFQ" |
Pretensiun
Pussaivladads d'absolver furmaziuns supplementaras suenter l'emprendissadi
La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:
- Curs da scolas spezialisadas e da scolas professiunalas spezialisadas sco er d'organisaziuns dal mund da lavur
- Bachelor of Science SASGR en Information Science a la Scola auta spezialisada dal Grischun a Cuira