« enavos
Blers mortoris sin las vias svizras pertutgan uffants e giuvenils sut 16 onns. Per evitar tant sco pussaivel tals cas visitain nus regularmain classas da scola e mussain als uffants co sa cumportar a moda correcta en il traffic sin via.
Instrucziun da traffic
Nossas instructuras e noss instructurs da traffic versads visitan regularmain las classas da scola da la scolina fin a la 5. classa. Durant questas visitas mussan ellas ed els als uffants e giuvenils co sa mover a moda segira en il traffic. Questa instrucziun è ina purschida accumpagnanta a l'instrucziun da scola. Ella na remplazza dentant betg la part la pli impurtanta: las enconuschientschas da basa en il traffic ch'ils geniturs e las persunas cun represchentanza legala ston intermediar als uffants.
Temas e cuntegns da l'instrucziun da traffic tenor classas
Avais Vus dumondas davart l'instrucziun da traffic? Ans contactai per E-Mail.
Ir cun velo sin il passape
Dapi il 1. da schaner 2021 pon uffants fin a lur 12. anniversari ir cun il velo era sin vias da peduns e passapes, sch'i na dat naginas vias da velo u nagins vials da velo. Pedunas e peduns ed/u utilisadras ed utilisaders d'urdains sumegliants a vehichels han qua precedenza avant il velo. Sco sin la via vala dentant era qua: l'uffant sto esser abel da duvrar e manischar fitg bain ses velo. Perquai èsi impurtant ch'ils geniturs e las persunas cun represchentanza legala mussian ad ura a l'uffant co ir cun velo – sin via e sin il passape.
Ulteriuras infurmaziuns per geniturs, persunas cun represchentanza legala e magistraglia (PDF): Dokument Police Bern
La via da scola
Sin la via da scola tgiran uffants contacts e treneschan co sa cumportar correctamain en il traffic. Nus avain rimnà intgins tips co che Vus pudais preparar il meglier pussaivel Voss uffant.
Dapli da la via da scola