Tgi che posseda terren en Svizra, na po betg utilisar quel sco ch'el vul. I vala d'observar cundiziuns generalas, sco per exempel lingias da distanza u restricziuns da canera, ch'èn resultadas sin fundament da decisiuns dal legislatur u da las autoritads. Questas uschenumnadas restricziuns da la proprietad da dretg public (RDPP) èn liantas per las proprietarias ed ils proprietaris dals bains immobigliars.

En il cataster RDPP Grischun èn actualmain disponiblas las suandantas restricziuns da la proprietad:

• planisaziun d'utilisaziun;
• zonas da planisaziun;
• vias naziunalas;
• viafiers;
• eroports;
• lieus contaminads;
• protecziun da las auas;
• spazi d'auas;
• canera;
• guaud;
• zonas da projectaziun conducts cun ina tensiun nominala da 220 kV u dapli;
• lingias da construcziun d'implants da current ferm.

En il pass d'extensiun actual vegnan agiuntads ils suandants temas da las RDPP:

• reservats da guaud;
  
• lingias da construcziun chantunalas.