Il project "Extensiun da la mesiraziun uffiziala – register dals edifizis e da las abitaziuns" cumpiglia la rectificaziun da las adressas existentas dals edifizis en la mesiraziun uffiziala (MU) ed en il register federal dals edifizis e da las abitaziuns (REA), l'armonisaziun da las differenzas tranter las datas d'adressas da la MU e dal REA sco er la cumplettaziun da las adressas da tut ils edifizis betg anc adressads tenor las novas prescripziuns federalas. Il project na porta betg mo in barat pli simpel da datas che sa refereschan al territori ed ad objects, mabain ha er l'avantatg che las adressas èn precisas e liantas per las autoritads. In fatg, dal qual tranter auter er ils servetschs da salvament profitan.