Locals favuraivels per uffants e per giuvenils
Uffants e giuvenils han in fin sensori per la concepziun da locals, gist tuttina sco persunas creschidas. Els èn impurtants commembers da la societad e la concepziun da lur spazis da viver è decisiva per lur svilup. Per uffants e giuvenils èn locals dapli che mo lieus fisics – els èn er lieus da temp, d'experientscha, da relaziun e d'agen svilup.
En cooperaziun cun l'Uffizi da construcziun auta e cun il sustegn da diversas acturas ed acturs ha l'Uffizi dal servetsch social sviluppà trais products sco impuls per concepir locals favuraivels per uffants e per giuvenils en l'administraziun chantunala.
Contact
kinderundjugendpolitik@soa.gr.ch
Mussavia
Il mussavia dat in impuls creativ per coordinar ils projects da construcziun meglier cun ils basegns dals uffants e dals giuvenils.
Mussavia per projects da renovaziun e da construcziun
Manual
Il manual è ina instrucziun, co ch'ils posts da servetsch pon concepir lur localitads existentas en moda adequata, adattada a la situaziun e favuraivla per uffants e per giuvenils, e tut quai entaifer curt temp e cun custs survesaivels.
Manual per la transfurmaziun da locals existents
Chanaster d'interacziun
La descripziun d'in chanaster d'interacziun porscha infurmaziuns per manar in discurs ed ina cussegliaziun, opziuns per passentar temps da spetga e recumandaziuns, per ch'i gartegia d'entrar en contact cun uffants e cun giuvenils.
Boxa per gieus e dialogs