Cunter las decisiuns d'asil dal la Secretariat da stadi per migraziun pon las requirentas ed ils requirents d'asil far recurs tar il tribunal administrativ (TAF). Sche l'effect suspensiv n'è betg vegnì retratg expressivamain en la decisiun d'asil, han recurs per regla in effect suspensiv, en spezial concernent l'obligaziun da partenza.

Senza l'inoltraziun d'in recurs u suenter ina decisiun da recurs negativa obtegna la decisiun dal la Secretariat da stadi per migraziun vigur legala. Entaifer il termin da partenza fixà en la decisiun sto la persuna refusada bandunar la Svizra. La surveglianza ed in'eventuala execuziun da la partenza è chaussa dals chantuns. Questa incumbensa cumpiglia la procuraziun da documents da viadi, da bigliets da viafier e d'aviun, d'organisaziuns da viadi e da transport e.u.v. Las persunas refusadas bandunan la Svizra per regla per aviun.

Sch'il termin da partenza è scadì e sche la persuna refusada n'è betg s'annunziada tar l'uffizi da migraziun e da dretg civil dal Grischun, partiziun "asil e return", fa la polizia chantunala en mintga cas ils scleriments correspundents davart sia dimora. Sch'i resulta da quai che la persuna respectiva sa trategna anc adina en Svizra, vegn ordinada la repatriaziun tras la polizia ed eventualmain in arrest tenor las mesiras repressivas en il dretg da persunas estras.