La prolungaziun da la dimora curta u la permissiun da dimora dependa dal gener da l'admissiun (p.ex. en connex cun la reuniun da la famiglia, ina permissiun contingentada e/u limitada). Perquai vegn mintga prolungaziun controllada orientada al cas singul. Cun la prolungaziun ston ins era inoltrar ils certificats linguistics, premess che quels sajan vegnids pretendids tar l'entrada.

Tar ina permissiun da domicil sa tracti d'ina prolungaziun da termin da controlla.

Ins sto inoltrar:

• Il formular da dumonda B1 u la decleraziun da scadenza
• Il contract da lavur, premess ch'i sa tracti d'ina persuna cun activitad da gudogn (na vala betg per persunas cun ina permissiun da domicil)
• Ina copia dal pass valaivel

Il petent sto inoltrar il formular da dumonda tras la controlla d'abitants da la vischnanca da domicil cumpetenta.

Ulteriuras infurmaziuns survegnis Vus dal ressort d'entrada, numer da telefon: 081 257 25 25.

Link als formulars da dumonda