Il chantun Grischun fa part da la «Rait da scolas21 – Rait svizra da scolas persistentas che promovan la sanadad». Sin fundament da la Rait da scolas21 naziunala installeschan l'Uffizi per la scola populara ed il sport e l'Uffizi da sanadad la rait chantunala.

Las scolas grischunas che vulan daventar scolas che promovan la sanadad, vegnan accumpagnadas e sustegnidas da persunas spezialisadas da l'Uffizi da sanadad e da la SAP dal Grischun. Mintga scola decida sezza, nua ch'ella cumenza. Ils temas èn multifars: clima da scola, sanadad psicosociala da scolaras e scolars, direcziun da scola e/u persunas d'instrucziun, nutriment saun e promoziun dal moviment en il mintgadi da scola, prevenziun da dependenzas, participaziun, concepziun natirala dals conturns e.u.v.

Tut las infurmaziuns stattan a disposiziun sin la pagina principala da Rait da scolas21 grischun da l'Uffizi da sanadad.