Pro Senectute è nossa partenaria per sport e per moviment en la vegliadetgna

La finamira dal sport e dal moviment è quella da mantegnair e da promover l'agilitad corporala, la forza e la cundiziun fin en l'auta vegliadetgna. En tut il chantun èn var 130 manadras e manaders da sport per persunas creschidas activs en 98 gruppas da sport da la Pro Senectute Grischun. Ellas tuttas ed els tuts han ina scolaziun fundada sco manadra u manader da sport per persunas creschidas esa u ina scolaziun sco terapeuta u terapeut da moviment e bleras experientschas en la furmaziun da persunas creschidas. Las purschidas da gruppa dattan la pussaivladad da tgirar contacts e da far activitads cuminaivlas.

Las purschidas da la Pro Senectute èn multifaras:

• fit/gim (allround) = gimnastica, fitness
• viandar
• passlung
• sautar, line dance, everdance
• aquafitness
• ir cun velo
• joga
• gimnastica per il bainstar per il dies

Detagls davart las gruppas da sport e davart purschidas da moviment moderadas chattais Vus en il program da curs e d'occurrenzas «envista».