Termins dals curs ed annunzias
1418Leiter è in program chantunal. Differents auters chantuns sco er il Principadi dal Liechtenstein mainan er tras fins d'emna da scolaziun che vegnan renconuschidas vicendaivlamain. L'annunzia a tut ils curs da 1418Leiter ha lieu sur ina plattafurma centrala. Las infurmaziuns davart ils differents curs survegnis Vus da l'organisatura u da l'organisatur correspundent.
Cundiziuns da participaziun per curs en il chantun Grischun
- La participaziun a la fin d'emna da 1418Leiter è gratuita e cumpiglia la scolaziun, l'alloschi e l'alimentaziun per tuts dus dis.
- Il viadi dal domicil al lieu dal curs ed enavos ston las participantas ed ils participants organisar e pajar sezs.
- L'assicuranza durant la fin d'emna da 1418Leiter è chaussa da las participantas e dals participants.
- Las disditgas ston vegnir fatgas uschè baud sco pussaivel. In'absenza nunperstgisada impedescha da sa participar en il futur a las fins d'emna da 1418Leiter.
- La fin d'emna da 1418Leiter sto vegnir frequentada cumplettamain.
- En cas d'in cumportament sbaglià e da surpassaments da las reglas po la manadra u il manader dal curs excluder ils giuvenils da la fin d'emna da 1418Leiter e trametter a chasa ils giuvenils.
- Durant la fin d'emna da 1418Leiter vegnan fatgas registraziuns sonoras e visualas che pon vegnir reproducidas en publicaziuns da graubündenSport, da partenarias e partenaris u en rapports da las medias. Participantas e participants che n'èn betg perencletgs, ston communitgar quai en scrit a graubündenSport avant la fin d'emna da 1418Leiter.
Il dretg da sa participar han tut ils giuvenils tranter 14 e 18 onns, dals quals l'uniun ha sia sedia en in dals chantuns partenaris (guardar qua sutvart).
Chantuns partenaris
Ils giuvenils tranter 14 e 18 onns d'ina uniun da sport dal chantun Grischun pon absolver la scolaziun 1418Leiter er en in auter chantun. La renconuschientscha che vegn acquistada là vala er en il Grischun e po vegnir scuntrada. Actualmain vegnan purschids curs en ils suandants chantuns (attenziun, là ha il program num «1418coach», ses cuntegn è però identic):