Valitaziun e promoziun da scola 2021-2026

L'evaluaziun Externa en las instituziuns da la scola speziala sa basa per gronda part sin il rom da qualitad sco era sin il proceder e las metodas d'evaluaziun da las evaluaziuns en las scolas regularas. Il rom da qualitad è vegnì cumplettà cun ils secturs da la tgira e dal process da planisar la promoziun. Las noziuns differentas, la furma d'organisaziun speziala sco era l'incarica da prestaziun da las instituziuns da la scola speziala èn vegnidas resguardadas commensuradamain durant il svilup.
Ils proceders d'evaluaziun extern menziunads èn etablids en las scolas publicas dapi l'onn 2003 ed en las instituziuns da las scolas spezialas dapi il 2011. Il proceder actual "valitaziun e promoziun da scola 2021-2026" s'orientescha als ciclus d'evaluaziun cumprovads d'avant l'onn 2020 e tegn quint dals standards svizzers per evaluaziuns externas (Seval).

Leporello
Cundiziuns da rama

Termins

Ils termins per las evaluaziuns da las instituziuns da scola speziala èn vegnids fixads da l'inspecturat da scola grischun per il ciclus 2021-2026.

Survista da termins

Moduls

Ils moduls descrivan las responsabladads e las incaricas da l'inspecturat da scola grischun. Els cuntegnan basas impurtantas per la lavur da cussegls da scola, direcziuns da scola sco er da persunas d'instrucziun en las scolas localas.

Il modul A cumpiglia l'attribuziun da las cumpetenzas e dals pensums da las scolas respectivamain da l'inspecturat da scola. Ultra da quai descriva el la discussiun dal fatg actuala per segirar e sviluppar la qualitad.

Modul A

Il modul B descriva il proceder da la valitaziun e promoziun da scola 2021-2026 en las scolas publicas. Ultra da quai descriva el il context teoretic sco er las tendenzas actualas dal svilup da la scola e da l'instrucziun.

Modul B

Il modul C preschenta il proceder da la valitaziun e promoziun da scola 2021-2026 en las instituziuns da la scola speziala.

Modul C

Basas dal fatg

L'inspecturat da scola metta a disposiziun basas dal fatg ed infurmaziuns davart il context teoretic tar las dimensiuns focusadas en il rom da la valitaziun e promoziun da scola 2021-2026. Las instituziuns da la scola speziala pon nizzegiar questas infurmaziuns per lur pensums specifics en il rom da la segiranza e dal svilup da la qualitad en il lieu.

Eckwerte für die Evaluation von Angeboten im Sonderschulbereich (Lienhard, P., Mettauer Szaday B. (2012) (Zürich, Hochschule für Heilpädagogik)

Evaluation der Sonderschule: Bestandesaufnahme Kantone Deutschschweiz (Liesen, C., Lienhard P. (2009) (Zürich, Hochschule für Heilpädagogik)

Flyer zum Rezeptbuch schulische Integration – Auf dem Weg zu einer inklusiven Schule (Lienhard-Tuggener, P., Joller-Graf, K., Mettauer Szaday, B. (2015) Bern Stuttgart Wien:Haupt)

Insula descripziun

Documents

Ils suandants documents dattan ina invista en las basas da lavur respectivamain en ils resultats da la valitaziun e promoziun da scola. Els mussan a moda exemplarica co las singulas gruppas vegnan involvidas u tge ponderaziuns dal fatg en centralas.

Exempel rapport

Exempel retschertga scolar/as

Exempel retschertga geniturs

Questiunari davart instrucziun/terapia

Questiunari davart situaziun da tgira

Rapports finals

Ils rapports tar las evaluaziuns da las singulas instituziuns da la scola speziala na vegnan betg publitgads. Quests rapports appartegnan a l'instituziun correspundenta sco er a l'inspecturat da scola.
Sin questa pagina vegnan ils rapports finals chantunals tar la valitaziun e promoziun da scola avant l'onn 2020 sco er resultats da retschertgas en differents secturs da la scola grischuna publitgads.

Rapport final chantunal instituziuns da scola speziala 2015-2020

Rapport final chantunal instituziuns da scola speziala 2011-2014

Rapport final chantunal 2015 - 2020

Rapport final chantunal 2011 - 2014

Rapport final SSI 2022