Regenza dal chantun Grischun
Regenza dal chantun Grischun e chancelier
L'autoritad directiva ed executiva suprema è la regenza. Ella consista da tschintg commembras e commembers. Las commembras ed ils commembers da la regenza vegnan elegids tenor la procedura electorala da maiorz per quatter onns e pon vegnir reelegids maximalmain duas giadas.
Mintga commember da la regenza è schef d'in departament da l'administraziun chantunala ed è subordinada sco tala u subordinà sco tal a la regenza sco autoritad cumplessiva. La constituziun chantunala surdat a la regenza tranter auter las suandantas incumbensas:
- Ella planisescha, fixescha e coordinescha las finamiras ed ils meds da l'agir dal stadi cun resalva da las cumpetenzas da las persunas cun dretg da votar e dal cussegl grond.
- Ella exequescha las leschas e las ordinaziuns sco er ils conclus dal cussegl grond.
- Ella represchenta il chantun vers l'intern e vers l'extern.
- Ella procura che l'urden public e che la segirezza publica vegnian mantegnids.
Perioda d'uffizi dal 1. da schaner 2023 fin ils 31 da december 2026.
Il presidi da la regenza mida mintg'onn.
Regenza 2024
President da la Regenza
Jon Domenic Parolini
dr. sc. tecn. SPF, sectur spezial "politica forestala ed economia forestala"
elecziun sco cusseglier guvernativ: 18 da matg 2014
schef dal departament d'educaziun, cultura e protecziun da l'ambient
allianza dal Center Grischun
naschì l'onn 1959, da Scuol e Val Calanca (Braggio)
lieus da domicil: Scuol e Cuira
Cusseglier guvernativ
Marcus Caduff
insch. agr. dipl. SPF / MAS MTEC SPF
elecziun sco cusseglier guvernativ: 10 da zercladur 2018
schef dal departament d'economia publica e fatgs socials
allianza dal Center Grischun
naschì l'onn 1973, da Lumnezia
lieus da domicil: Morissen e Domat
Cusseglier guvernativ
Martin Bühler
Politolog
elecziun sco cusseglier guvernativ: 15 da matg 2022
schef dal departament da finanzas e vischnancas
partida liberaldemocratica (PLD) dal Grischun
Naschì l‘onn 1976, da Fideris e Tavau
lieu da domicil: Fideris
Cussegliera guvernativa
Carmelia Maissen
Dr. phil. dipl. arch. SPF, scienzada d‘architectura
elecziun sco cussegliera guvernativa: 15 da matg 2022
scheffa dal departament d'infrastructura, energia e mobilitad
allianza dal Center Grischun
naschida l'onn 1977, da Mustér
lieu da domicil: Castrisch
Cusseglier guvernativ
Peter Peyer
sindicalist
elecziun sco cusseglier guvernativ: 10 da zercladur 2018
schef dal departament da giustia, segirezza e sanadad
partida socialdemocratica (PS) dal Grischun
naschì l'onn 1965, da Willisau
lieu da domicil: Trin
Chanzlia chantunala
Chancelier
https://www.gr.ch/RM/instituziuns/regierung/Seiten/Regierung.aspx#
Daniel Spadin
lic. iur. advocat
elecziun sco chancelier: 1. da november 2016
naschì l'onn 1971, da Razén
lieu da domicil: Cuira