Persunas e famiglias cun pitschnas entradas pon far quint er quest onn cun ina contribuziun vid lur custs per las premias da las cassas da malsauns. A las persunas chíhan probablamain dretg díina contribuziun, vegn il formular da dumonda en general tramess directamain. Persunas che na survegnan nagin formular da dumonda e che sa considereschan tuttina cun dretg da contribuziuns, pon pretender il formular tar la filiala AVS da lur vischnanca da domicil. La dumonda sto vegnir inoltrada fin il pli tard la fin da mars da quest onn a la filiala AVS da la vischnanca da domicil.
Per part Ën las premias per líassicuranza da malsauns augmentadas fitg per ils blers assicurads durant ils davos onns. Surtut per persunas e famiglias cun pitschnas entradas daventi pli e pli difficil da purtar sezzas quests custs. Per reducir la grevezza tras las premias da la cassa da malsauns da questas persunas sin ina mesira supportabla, prestan la confederaziun ed il chantun er quest onn contribuziuns. En il chantun Grischun vegnan a star a disposiziun per reducir las premias da las cassas da malsauns totalmain ca. 4.5 milliuns francs dapli contribuziuns che líonn pass‡ u totalmain ca. 49.3 milliuns francs. Davart líotezza da las contribuziuns e davart la gruppa cun dretg da contribuziuns vegn la regenza a decider il settember, suenter la valitaziun da las annunzias.

Persunas cun dretg da contribuziuns
Dretg díina contribuziun han tut las persunas chíËn suttamessas, sin fundament da lur domicil fiscal en il chantun Grischun, a líobligaziun díassicuranza e che vivan en relaziuns economicas modestas. Per calcular las relaziuns economicas Ë decisiva líentrada suttamessa a la taglia inclusiv 10% da la facultad suttamessa a la taglia, tenor la davosa disposiziun da líuffizi da taglia. Persunas che vegnan imponidas ensemen, han in dretg general da reducziun da las premias. Persunas chíËn obligadas da pajar las premias da la cassa da malsauns per autras persunas, han medemamain in dretg general, ensemen cun las persunas sustegnidas.

Annunzia dal dretg fin la fin da mars
Persunas che vegnan probablamain a far part da la gruppa cun dretg da contribuziuns sin fundament da lur relaziuns díentrada, survegnan quests dis ina brev da la cassa da cumpensaziun AVS dal chantun Grischun; ensemen cun quella survegnan ellas lur formular persunal da dumonda. Persunas che níhan betg survegnÏ in formular da dumonda e che sa considereschan tuttina cun dretg da contribuziuns, pon pretender in tal tar la filiala AVS da lur vischnanca da domicil. Las dumondas Ën díinoltrar fin il pli tard la fin da mars da quest onn a la filiala AVS da quella vischnanca, en la quala la persuna che fa la dumonda ha ses domicil fiscal.

Stagiunaris e requirents díasil
Stagiunaris e persunas cun dimora curta cun ina permissiun da dimora che vala pli ditg che trais mais, sco er requirents díasil e persunas admessas provisoriamain pon, schíels vivan en relaziuns economicas modestas, pretender il formular da dumonda tar lur patrun resp. tar la filiala AVS da lur vischnanca da dimora. Els han díinoltrar il formular fin la fin da mars u aifer in mais suenter lur annunzia tar líuffizi díabitants, a la filiala AVS da lur vischnanca da dimora.

Moda da pajament
La contribuziun a las premias da la cassa da malsauns vegn pajada a la cassa da malsauns, sche la cassa pretenda quai. Líonn pass‡ han las bleras cassas fatg diever da questa pussaivladad. Tut tenor la decisiun da la cassa vegn en quest cas il quint da las premias reducÏ en la dimensiun da la reducziun da las premias u líimport correspundent transmess als assicurads. In dretg direct dals assicurads envers il chantun exista mo, sche la cassa da malsauns na pretenda betg il pajament ad ella sezza.
Infurmaziuns davart la reducziun da las premias dat scadina filiala AVS da las vischnancas u la cassa da cumpensaziun AVS dal chantun.