Gia uss spetgan ils chatschadurs e las chatschaduras cun fevra la proxima stagiun da chatscha e prendan las primas mesiras. Equipads cun il perspectiv e cun il telescop passentan els mintga minuta libra en il territori da chatscha. Passiunadamain vegni "spievlà", observà la selvaschina e sias disas. A chasa vegnan rimnads ils utensils da chatscha, las victualias e las bavrondas per il transport en la chamona da chatscha. È l'assicuranza da responsabladad obligatoria pajada? Las armas da chatscha ston vegnir sajettadas en e quai mo en ils lieus inditgads da las vischnancas, sco che la lescha prescriva. E la fin finala tutga er il prender la patenta tar las pre-paraziuns. En il Fegl uffizial dal chantun Grischun dals 9 d'avust 2001, èn publitgads il lieu, la data ed il temp da l'emissiun da la patenta. Cun ils megliers giavischs per ina bun'egliada ed ina chatscha cun success!
inspecturat da chatscha e pestga dal Grischun

Gremi: inspecturat da chatscha e pestga dal Grischun
Funtauna: rg inspecturat da chatscha e pestga dal Grischun