referat dals 6 da settember, 19:00, sala da l'hotel Marsöl, Cuira
Dapi 1998 cumpara il pled englais "Gender Mainstreaming" cunzunt en circuls d'organisaziuns da dunnas, da politicras ed en servetschs d'egualitad - quai dat d'engiavinar...Tge è manegià exactamain cun Gender Mainstreaming?
Sin invitaziun da la cumissiun chantunala d'accumpagnament e d'impuls per dumondas d'egualitad dal Grischun e dal post da stab per dumondas d'egualitad referescha Zita Küng gievgia ils 6 da settember a las 19:00 en la sala da l'hotel Marsöl a Cuira. L'anteriura manadra dal biro d'egualitad da la citad da Turitg e secretaria dal sindicat SCI è la dunna dal fatg per Gender Mainstreaming. A moda spiertusa, persvadenta ed en ina lingua clera intermediescha Zita Küng da tge ch'i sa tracta tar il nov concept d'egualitad. Ella explitgescha per exempel:
- co che la dumonda da las dunnas daventa ina dumonda da las schlattainas,
- pertge ch'er ils umens ston far frunt a la dumonda da las schlattainas,
- co che la responsabladad per la dumonda da las schlattainas vegn sclerida,
- co che Gender Mainstreaming sco concept s'unescha cun la politica d'egualitad, e
- nua che Gender Mainstreaming vegn resguardà e tgi che po vegnir activ.
L'occurrenza dat la pussaivladad da far dumondas e da contribuir a la discussiun.

Gremi: biro d'egualitad dal Grischun
Funtauna: rg biro d'egualitad dal Grischun