Resposta dal cussegl federal ad ina dumonda da la regenza gischuna

In giudicament final da la situaziun da segirtad per la realisaziun dal WEF 2002 n'è da preschent betg pussaivla. Tar questa conclusiun vegn il cussegl federal en sia resposta a la regenza dal chantun Grischun. La fin da settember aveva questa pretendì en ina brev ch'il cussegl federal valiteschia las ristgas da segirtad ed era s'infurmada schebain la realisaziun dal World Economic Forum a Tavau saja ord vista dal cussegl federal anc adina da responsar.

Il cussegl federal n'excluda betg en sia resposta acziuns d'adversaris da la globalisaziun. In giudicament specific da las ristgas da segirezza per ils participants dal WEF che sajan protegids dal dretg internaziunal na saja da preschent betg pussaivel perquai che las premissas per quei giudicat manchian per il mument. Il cussegl federal constatescha ch'i saja l'incumbensa communabla dals servetschs da novitad d'eruir ils privels e d'instradar las mesiras necessarias. La decisiun per la realisaziun dal WEF 2002 è en emprima lingia chaussa dals organisaturs e dal chantun Grischun.

Gremi: cussegl federal
Funtauna: rg departament federal da giustia e da polizia