L'uffizi da polizia dal Grischun dispona uss d'ina website. Sut www.afp.gr.ch porscha l'uffizi da polizia dal Grischun ina gronda quantitad d'infurmaziuns, formulars e links cun ulteriurs uffizis chantunals e federals.
La partiziun polizia d'esters, passaports e patentas infurmescha sut www.frepo.gr.ch en furma concisa davart las premissas las pli impurtantas per la concessiun da las differentas permissiuns da dimora. Tut ils interessents pon a medem temp clamar online ils formulars ils pli impurtants per las proceduras da dumonda tar la polizia d'esters. Uschia han ils utilisaders la pussaivladad d'installar formulars da dumonda e d'annunzia per persunas estras sin lur agen computer.
Sut www.pass.gr.ch obtegnan burgaisas e burgais sco er la clientella infurmaziuns generalas davart il pass svizzer e las premissas, sut las qualas in tal vegn emess.
Las vischnancas dal chantun Grischun disponan d'in access separà a formulars spezials. Da questa prestaziun da servetsch pon profitar immediatamain las vischnancas ch'èn equipadas cun la EED.

Gremi: uffizi da polizia dal Grischun
Funtauna: rg uffizi da polizia dal Grischun