I vegn prestà contribuziuns culturalas en la summa totala da 131'800 francs a las suandantas ovras ed occurrenzas culturalas:
- atgna producziun "Matto's Lingovista-phon" en ils mais d'october/november 2001 en la Klibühni-Das Theater, Cuira,
- producziun "Le crie au ciel" (musica, saut, video, installaziun) cun circa sis represchentaziuns en il december 2001 a Cuira,
- concerts da la Singschule Chur dals 8/28 da december 2001 a Cuira ed Arosa (represchentaziun da la cantate St. Nicolas op. 42 da Benjamin Britten),
- concerts "SINFONIA 2001" da l'orchester sinfonic da l'Engiadina auta dals 28 fin 30 da december 2001 a Puntraschigna, Zuoz, Segl e Schlarigna,
- concerts da l'orchester d'instruments a corda Orchestrina Chur ensemen cun il clown Gavroche dals 9 fin 11 da november 2001 a Tamins, Cuira e Tusaun,
- occurrenza musicala e litterara dal Kulturkreis Arosa en l'enviern 2001/02,
- stagiun da concert 2002/02 dal Konzert-Studio Cuira,
- concerts d'atun 2001 dal Jazz Club Chur,
- concerts d'atun 2001 dal Folk Club Chur,
- ediziun dal DC "Sud des Alpes" da Corina Curschellas,
- ediziun dal DC dals "Cantauturs passiunai",
- ediziun dal DC e producziun d'in videoclip da la band da Cuira "Strike",
- ediziun da la publicaziun "Robert Indermaur - People's Parc",
- ediziun dal cudesch "Die Sommer und Winter der Sontga Margriata" da Paul Bänziger,
- producziun d'in film documentar da Peiden da Mattias Caduff,
- represchentaziun sut tschiel avert dal toc "Valdei als da Valdei" il fanadur 2002 tras l'uniun da teater da Vuorz,
- represchentaziun sut tschiel avert dal toc "Johnny Belinda" l'avust 2002 a Vaz sut.

Agid d'ospital en Russia
Dapi plirs onns exista ein project da partenadi tranter ils spitals dal Grischun e quel da la regiun Ivanovo en Russia, circa 300 km al vest da Moscau. En il rom da la novavla missiun d'agid vai per la cuntinuaziun da la collavuraziun cun ils spitals en la cuntrada da Ivanovo. Gia la primavaira èn 30 tonnas rauba d'agid da l'uniun agid humanitar per la Russia vegnida transportada ad Ivanovo (letgs, medicaments, apparats, mantes da laboratori e material da diever). Dal reminent sa cumpona la purschida d'agid ord dal transfer d'enconuschientschas dal fatg entras medis spezialisads en il rom da referats dal fatg. Il chantun sustegna l'acziun d'agid da l'onn cun 30'000 francs.

Fatgs da persunal
Cun la fin da settember èn ils suandants emploiads chantunals ids en pensiun:
- Erika Bühler-Laich, Almen, tgira da notg en la clinica psichiatrica Beverin,
- Othmar Peterhans, Cuira, policist chantunal,
- Martin Wiher, Maiavilla, secretari tar il center da furmaziun e cussegliaziun agricula Plantahof.
Pensiun cun la fin d'october:
- Christian Jeger, St. Peter, policist chantunal,
- Simon Wehrli, Cuira, schef da l'uffizi da megliuraziun e mesiraziun.
La regenza als engrazia per ils servetschs prestads en favur dal chantun.
Chanzlia chantunala dal Grischun

Gremi: regenza
Funtauna: rg chanzlia chantunala dal Grischun