Per la gulivaziun da finanzas intercommunala 2001 dat la regenza liber contribuziuns en la summa totala da 20.8 milliuns francs. Questa summa vegn duvrada per contribuziuns da gulivaziun a vischnancas deblas da finanzas e vegn repartida sequentamain: -
9.65 milliuns per la gulivaziun da la forza fiscala, -
7.42 milliuns per contribuziuns ad ovras publicas, -
3.73 milliuns per la gulivaziun dal basegn spezial.

Consultaziun a la confederaziun
La regenza beneventa en sia posiziun per mauns da la confederaziun il sboz per in'ordinaziun davart il commerzi ambulant, schebain cun diversas resalvas. Ella crititgescha dentant che tscherts termins e tschertas pretaisas pertutgant ils documents ch'èn d'inoltrar cun las dumondas da permissiun pudessan esser in grond impediment per las persunas pertutgadas. En il sectur da las taxas propona ella ina reglamentaziun detagliada per uschia realisar l'unificaziun ch'ins haja en mira.

Fatgs dal persunal
- Werner Andreas Trüb, naschius 1965, da Maur ZH, domicilià a Domat, daventa medi da partiziun/medi assistent en la clinica psichiatrica Waldhaus a Cuira. El entra en uffizi a l'entschatta schaner 2002.

A la fin da november 2001 van en pensiun ils suandants emploiads chantunals:
- Ulysses Abutillo, Maiavilla, stimader chantunal,
- Hans Bandli, Seewis-Vitg, referendari al Plantahof,
- Bistgaun Cahannes, Cazas, policist chantunal,
- Alexander Dönz, Cuira, schef da l'uffizi d'agricultura,
- Josef Joos, Trimmis, referendari al Plantahof,
- Anna Maria Lozza-a Marca, Cuira, lavurera sociala en l'uffizi dal servetsch social,
- Edwin Lutz, Cuira, policist chantunal,
- Reto Meuli, Jenins, policist chantunal,
- Leonhard Müller, Giuvaulta, expert tecnic tar l'uffizi per l'ambient,
- Bruno Parolini, Glion, inschigner forestal cirquital tar l'uffizi forestal,
- Carl Plebani, Favugn, policist chantunal,
- Walter Rogentin, Landquart, policist chantunal,
- Venanzius Sac, Cazas, mastergnant tar l'uffizi da construcziun bassa a Tusaun,
- Hans-Ulrich Urwyler, Tusaun, cussegliader da manaschi tar l'uffizi da megliuraziun e mesiraziun, e
- Jules Valär, Cuira, laborant tar l'uffizi da construcziun bassa.
La regenza als engrazia per ils servetschs prestads en favur dal chantun.
Chanzlia chantunala dal Grischun

Gremi: regenza
Funtauna: rg chanzlia chantunala dal Grischun