Decisiva per la repartiziun dals mandats al cussegl grond sin ils signuls circuls è la statistica federala da l'effectiv annual da la populaziun (ESPOP) che vegn publitgada mintgamai durant l'onn avant las elecziuns cirquitalas (tenor l'art. 2 da la lescha davart la represchentanza dals circuls en il cussegl grond dal chantun Grischun). Per las tschernas cirquitalas 2003 è damai decisiva l'ESPOP 2001 cun l'effectiv da la populaziun dals 31 da december 2001.
Davart la dumbraziun dal pievel 2001 na po l'uffizi federal da statistica betg anc communitgar cifras definitivas, perquai che l'armonisaziun cun ils resultats da la dumbraziun federala dal pievel 2000 n'è betg anc succedida. Tenor l'uffizi federal da statstica duai l'armonisaziun esser succedida previsiblamain enfin mez december 2002, il pli tard enfin mez schaner 2003.
Sut questas circumstanzas ha la regenza grischuna decidì da spetgar cun la repartiziun dals mandats al cussegl grond enfin che las cifras definitivas èn avant maun.

Gremi: chanzlia chantunala dal Grischun
Funtauna: rg chanzlia chantunala dal Grischun