Suenter che la regenza ha deliberà il sboz da la nova constituziun chantunala per mauns dal cussegl grond, vegnan orientadas tuttas Grischunas e tuts Grischuns davart las novaziuns planisadas cun la segunda ediziun da "Viva la Grischa - La gasetta davart la nova constituziun chantunala". La votaziun dal pievel duai avair lieu en il decurs da l'onn 2003.
La constituziun chantunala pertutga tuttas burgaisas e tuts burgais, organisescha ella gea la convivenza en il chantun da muntogna triling. I va per ils dretgs fundamentals dal pievel gist uschè bain sco per las structuras dals organs statals e per bler auter. Per pudair orientar la publicitad davart il stan da la revisiun totala da la constituziun chantunala vegn tramessa ils proxims dis la segunda ediziun da "Viva la Grischa - La gasetta davart la nova constituziun chantunala" a tuts tegnairchasa grischuns. La gasetta dat tranter auter resposta a las dumondas suandantas: Pertgè è ina refurma necessaria, con lunsch è gia progredì il project e tge duai daventar auter? Sco gia a chaschun da l'emprima ediziun survegn la publicitad la pussaivladad da s'exprimer en connex cun ils differents champs da la nova constituziun en il rom da la "chascha da brevs". La votaziun dal pievel davart la nova constituziun ha lieu en il decurs da l'onn 2003.

Gremi: secretariat per la nova constituziun
Funtauna: rg secretariat per la nova constituziun