Flurin Caviezel il schef da l'uffizi da cultura dal chantun Grischun ha desditg sia plazza per la fin da zercladur da l'onn proxim.
Suenter tschintg onns sco incumbensà per dumondas da cultura en il departament d'educaziun, cultura e protecziun da l'ambient vul el puspè vegnir activ sco artist liber sin ils champs da la musica e dal teater. Sco segunda chomma purtanta vegn el puspè a lavurar per 50 pertschient sco magister da musica a la scola chantunala a partir dal proxim onn da scola.
Il departament deplorescha extraordinariamain questa decisiun perquai che Flurin Caviezel presta lavur excellenta. Il departament al giavischa gia oz bun success en sia nova orientaziun futura.

Gremi: departament d'educaziun, cultura e protecziun da l'ambient
Funtauna: rg departament d'educaziun, cultura e protecziun da l'ambient