Il cussegl da scola che vegn presidià da cusseglier guvernativ Claudio Lardi ha elegì dunna Veronika Niederhauser, domiciliada a Fläsch, sco directura dal center da furmaziun per la sanadad ed ils fatgs socials (CSS) a Cuira.

Dunna Niederhauser è economa da manaschi (SAP) e spezialista diplomada da tgira. Ella dispona d'ina scolaziun da management e d'ina scolaziun sco directura d'ina instituziun sociala sco er da gronda experientscha professiunala e da gestiun en il sectur da la sanadad e dals fatgs socials, tranter auter sco manadra d'ina scola da tgira e sco manadra da projects.

Dunna Niederhauser vegn a cumenzar sia plazza sco directura il 1. da favrer 2003. Enfin alura lavura ella ad interim sco manadra da fatschenta dal CSS.
Gremi: departament d'educaziun, cultura e protecziun da l'ambient
Funtauna: rg departament d'educaziun, cultura e protecziun da l'ambient