L'uffizi forestal renda attent al grond privel d'incendis da guaud e cultira en regiuns exponidas al sulegl e libras da naiv da tut il Grischun. Surtut en las vals dal sid dal Grischun n'hai betg pli pluvì enendretg dapi pliras emnas. La natira è per quest temp da l'onn anc fitg magra e la vegetaziun fitg setga. Pervi dal diever imprecaut da products da tubac e l'utilisaziun malprudenta da fuclars èn ils emprims incendis gia vegnids envidads. Els han per fortuna pudì vegnir stizzads ad ura.

Igl è absolutamain scumandà da far fieu or en il liber en las vals dal sid dal Grischun ed en la Val Müstair. Products da tubac e battafieus na dastga en nagin cas vegnir bittads davent. L'uffizi forestal dal Grischun quinta che la populaziun resguardia quests scumonds.

Gremi: Uffizi forestal
Funtauna: rg Uffizi forestal