Dapi dacurt è disponibla la nova homepage da la promoziun da la cultura dal chantun Grischun: www.kulturfoerderung.gr.ch..

La promoziun da la cultura dal Grischun è ina partiziun da l'uffizi chantunal da cultura. Ella ha l'incumbensa da sustegnair la lavur culturala en il chantun e da promover quella cun mesiras sistematicas.

Sin la homepage chattais Vus infurmaziuns en connex cun il sustegn finanzial da projects culturals (cundiziuns, indicaziuns davart dumondas da sustegn, giudicaments da dumondas da sustegn), indicaziuns davart premis culturals, davart ateliers a l'exteriur sco er davart la concurrenza per promover la lavur culturala professiunala. Ultra da quai vegnan preschentads il team da la promoziun da la cultura e las duas cumissiuns, la cumissiun per promover la cultura e la cumissiun da concurrenza.

Sin la pagina d'internet vegn preschentada er la promoziun da las linguas ch'è integrada en la promoziun da la cultura. Quest sectur sustegna e sviluppa mesiras per mantegnair e per promover la lingua rumantscha e taliana. Plinavant è la promoziun da las linguas il post da documentaziun e d'infurmaziun davart il territori linguistic dal Grischun sco er davart la politica chantunala en il sectur da las linguas naziunalas ed uffizialas.

Gremi: Uffizi da cultura
Funtauna: rg Uffizi da cultura