La regenza è consternada pervi da la gronda dolur che la terribla inundaziun ha chaschunà en l'Asia dal sid. Ultra dals pajais situads a l'Ocean ind ch'èn pertutgads il pli fitg han er blers pajais europeics - tranter quels er la Svizra - da cumplanscher victimas. La regenza parta la dolur cun las confamigliaras e cun ils confamigliars ed als exprima sia sincera condolientscha.

Sco segn da cumpassiun e da solidaritad ha la regenza concludì da consegnar 50'000 francs a la crusch cotschna svizra e 100'000 francs a l'acziun da collecta da la chadaina da fortuna. Quests meds duain vegnir utilisads a curta vista per l'agid d'urgenza necessari, dentant er a lunga vista per la reconstrucziun dals territoris pertutgads sco er per ulteriurs projects urgents.

Chanzlia chantunala dal Grischun

Gremi: regenza
Funtauna: rg chanzlia chantunala dal Grischun