Ils sportkids, ch'èn vegnids iniziads da grischun sport, cumenzan lur trenaments suenter las vacanzas d'atun cun fermas partenarias e cun in nov num. Da nov vegnan ils "capito.-sportkids" sustegnids da la banca chantunala grischuna (BCG) sco sponsura principala.

Grischun sport è persvadì ch'ins ha pudì gudagnar cun la BCG ina partenaria ideala per quest project directiv en il sectur da la promoziun da la sanadad e dal sport.

Sco che Thomas Wieting, manader da sponsoring&events, conferma, s'engascha la banca chantunala grischuna gia oz fermamain per la promoziun da la generaziun giuvna en il Grischun. La nova partenanza cun ils capito.-sportkids cumplettescha en quest connex en moda ideala ils projects gia existents.

Sco ferma partenaria na sustegna la banca chantunala grischuna ils "capito.-sportkids" betg mo finanzialmain. Cun ses know-how e sur la rait d'agenturas che cumpiglia l'entir chantun vegn la BCG er a pudair surpigliar incumbensas impurtantas per ils capito.-sportkids en il sectur da la promoziun.

Sco ulteriuras partenarias per ils capito.-sportkids han pudì vegnir gudagnadas la cassa da malsauns publica (CMP) dal Grischun e la printbox a Cuira sco co-sponsurs.

Grischun sport sa legra da quest sustegn en favur dal sport.

Gremi: grischun sport
Funtauna: rg grischun sport