Per l'emprima giada dastgan las Svizras ed ils Svizzers a l'exteriur votar en il Grischun davart in project chantunal. Quai pervi da la revisiun totala da la lescha davart ils dretgs politics en il chantun Grischun ch'è entrada en vigur il 1. da schaner 2006. Exequind la constituziun chantunala prevesa la lescha che Svizras e che Svizzers a l'exteriur - ch'èn, tenor la lescha federala davart ils dretgs politics da las Svizras e dals Svizzers a l'exteriur, autorisads d'exequir ils dretgs politics en chaussas federalas en il chantun Grischun - dastgan da nov votar ed eleger er en chaussas chantunalas. Quai pertutga actualmain ca. 2'300 Svizras e Svizzers a l'exteriur. Da lur dretg da votar pon ellas ed els far diever per l'emprima giada gia a chaschun da la votaziun chantunala dals 12 da favrer 2006, cur ch'i vegn votà davart il project per conceder in credit da 20 milliuns francs per construir la Porta Alpina.

Gremi: chanzlia chantunala dal Grischun
Funtauna: rg chanzlia chantunala dal Grischun