Ils 24 da matg 1996 ha il cussegl grond concludì - sin proposta da la regenza - d'installar in post da stab per dumondas d'egualitad. L'onn 2006 festivescha il biro d'egualitad dal Grischun pia sia existenza da diesch onns. Festivà vegni cun il project "Il biro d'egualitad mobil". Cun il motto "Nus vegnin tar Vus. Cun pled e fatg." vegn il post da stab l'onn 2006 mintgamai durant dus dis a lavurar, a cussegliar ed a porscher workshops en las chasas communalas da Malans, da Glion, da Samedan e da Poschiavo. Da la partida èn la giurista, mediatura e spezialista d'assicuranzas socialas Annetta Simeon e la cussegliadra da carriera e da professiun Tina Mazina Semadeni dal post da cussegliaziun "lavur e professiun" da la centrala da dunnas dal Grischun. Fatgs davart l'istorgia da diesch onns dal post da stab ed il program dal "biro d'egualitad mobil" pon vegnir consultads en la newsletter nr. 2 e sut "actual" da www.stagl.gr.ch.

Infurmaziuns dat la manadra dal post da stab Silvia Hofmann-Conrad
081 257 35 70, 079 231 38 15 u Silvia.Hofmann@stagl.gr.ch

Gremi: Post da stab per dumondas d'egualitad
Funtauna: rg Post da stab per dumondas d'egualitad