Cumbinar ils dus munds da la famiglia e da la professiun pretenda da geniturs cun activitad da gudogn in buna purziun talent d'organisaziun. Co che quai funcziuna e sch'ins vul insumma cuntanscher quai, mussa in'exposiziun ambulanta "Da tge sa tracta Vossa vita? - Ballantscha tranter la famiglia e la professiun", che po vegnir visitada ussa e fin ils 30 da schaner 2006 en la cafeteria da l'ospital chantunal a Cuira. Sin tavlas illustrativas decleran geniturs cun activitad da gudogn (er dal Grischun) lur soluziun persunala, en in video vegn discutada criticamain la cumpatibilitad da famiglia e da professiun e cun agid da preschentaziuns tridimensiunalas vegnan las visitadras ed ils visitaders ad enconuscher las cundiziuns generalas da la ballantscha en la Svizra orientala. L'exposiziun ambulanta interactiva è in project da la conferenza d'egualitad dals chantuns da la Svizra orientala ed è accessibla a l'entira populaziun.

Gremi: post da stab per dumondas d'egualitad
Funtauna: rg post da stab per dumondas d'egualitad