Ina delegaziun dal cussegl dal chantun da Schaffusa fa mesemna, ils 14 da zercladur 2006, durant la sessiun da zercladur, ina visita a las collegas ed als collegas dal Grischun a Cuira. La delegaziun da Schaffusa vegn manada dal president dal cussegl dal chantun Alfred Sieber e da l'emprim vicepresident Matthias Freivogel sco er da la segunda vicepresidenta Jeanette Storrer che vegnan tranter auter accumpagnads dals cussegliers dal chantun Rainer Schmidig e Hans Schwaniger sco er da la cussegliera chantunala Susanne Günter.
Ils giasts dal chantun Schaffusa vegnan retschavids dal president dal cussegl grond Hans Geisseler e da la vicepresidenta dal cussegl grond Agathe Bühler-Flury. Da la vart grischuna sa participeschan a questa scuntrada tranter auter ils presidents da las fracziuns, il president da la regenza Claudio Lardi sco er il chancelier dr. Claudio Riesen.
Il program prevesa la damaun la visita da las tractativas currentas dal cussegl grond ed il suentermezdi in tur tras la citad veglia da Cuira. La visita serva a tgirar ils contacts persunals e parlamentars existents en in'atmosfera lucca ed amicabla ed a barattar experientschas a moda spontana.

Gremi: chanzlia chantunala dal Grischun
Funtauna: rg chanzlia chantunala dal Grischun