Retrair la patenta per la stagiun da chatscha 2007

Gia oz spetgan las chatschadras grischunas ed ils chatschaders grischuns cun fevra la proxima stagiun da chatscha che cumenza quest onn gia il 1. da settember, empè da ils 9 da settember.
Ellas ed els prendan las emprimas mesiras. Equipads cun il perspectiv e cun il telescop passentan ellas ed els mintga minuta libra en il territori da chatscha. Passiunadamain vegni "spievlà", observà la selvaschina e sias disas. A chasa vegnan rimnads ils utensils da chatscha, las victualias e las bavrondas per il transport en la chamona da chatscha. Èn vegnidas pajadas las taglias e l'assicuranza obligatorica da responsabladad? Èn enconuschentas las novaziuns las pli impurtantas da la lescha da chatscha? Èn las armas da chatscha vegnidas reguladas persunalmain e quai mo en ils lieus ch'èn vegnids inditgads da las vischnancas, sco che la lescha prescriva? E la finala, cura poss jau retrair la patenta, per terminar las preparaziuns? En il fegl uffizial dal chantun Grischun dals 2 d'avust 2007 èn publitgads ils lieus, las datas e las uras da l'emissiun da la patenta.

Nus As giavischain ina buna mira ed ina ritga preda!

Gremi: Uffizi da chatscha e pestga dal Grischun
Funtauna: rg Uffizi da chatscha e pestga dal Grischun