- Claustra-Serneus: Il project per la via da guaud "Grüenbödeli - Ried - Chalchofen" da la vischnanca da Claustra-Serneus vegn approvà.
- Via da St. Antönien: Sin la via da St. Antönien, sin il traject da Küblis fin Pany/Cresta vegn augmentà il pais maximal permess da 18 sin 32 tonnas ed abolì il scumond per camiuns cun chars annexs.
- Via da Tavanasa: Sin la via da Tavanasa, tar la punt sur il Rain anteriur davant Tavanasa vegn augmentà il pais maximal permess da 3.5 sin 7 tonnas.

Contribuziuns chantunalas a differentas instituziuns
- Uniun grischuna da las firmas d'installaziuns electricas: Il project da construcziun per engrondir il center da scolaziun da l'uniun grischuna da las firmas d'installaziuns electricas UGIE a Cuira vegn approvà. A l'instituziun responsabla vegn empermessa ina contribuziun da construcziun da maximalmain 362'750 francs.
- Uniun d'agid umanitar per la Russia: Per la 16avla missiun d'agid da l'uniun d'agid umanitar per la Russia en il territori dad Iwanowo vegn concedida ina contribuziun da 30'000 francs.
- Claustra Son Andrea a Sarnen: Per restaurar la collecziun da notas ch'è impurtanta per l'istorgia culturala e che sa chatta en la claustra Son Andrea a Sarnen, vegn concedida ina contribuziun unica da 17'800 francs.

Projects da vias
La regenza ha approvà totalmain 1'850'000 francs per construir e per sanar ils suandants trajects da via:
- via tudestga: lavurs d'impressari tar la punt "Obere Zollbrücke" Landquart
- A13 via naziunala: installaziuns electricas en il tunnel d'Isla Bella

Chanzlia chantunala dal Grischun

Gremi: regenza
Funtauna: rg chanzlia chantunala dal Grischun