L'ambassadur franzos Jean-Didier Roisin visita venderdis, ils 20 d'avrigl 2007, il Grischun. El vegn accumpagnà da la consula generala Jacqueline Séjean, dal represchentant da commerzi André Normand e da l'adet da cultura Pierre-Yves Sonalet. Suenter il bainvegni dals giasts en la chasa grischa a Cuira è previs in gentar communabel. Ils ospitants èn il president da la regenza Martin Schmid ed il chancelier Claudio Riesen.
La regenza tgira mintga onn contacts cun represchentantas e cun represchentants da stadis esters en Svizra. Quests discurs èn elements impurtants da las relaziuns externas dal chantun. En connex cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas materialas actualas. Autras visitas servan en emprima lingia al barat d'experientschas sin il champ cultural, economic e politic.

Gremi: chanzlia chantunala dal Grischun
Funtauna: rg chanzlia chantunala dal Grischun