L'ambassadur canadais Robert Collette visita mesemna, ils 3 da december 2008, il Grischun. El vegn accumpagnà da sia dunna Marilyn Collette, dal cusseglier d'ambassada e consul François Laberge sco er dals delegads per il commerzi Claudia Kunz e Werner Naef. Suenter il bainvegni dals giasts en la chasa grischa a Cuira è previs in gentar cuminaivel. Ils ospitants èn il president da la regenza Stefan Engler ed il chancelier Claudio Riesen.

La regenza tgira mintga onn contacts cun represchentantas e cun represchentants da stadis esters en Svizra. Quests discurs èn elements impurtants da las relaziuns externas dal chantun. En connex cun ils stadis vischins e cun pajais che han relaziuns spezialas cun la Svizra e cun il Grischun vegnan savens discutadas dumondas specificas actualas. Autras visitas servan en emprima lingia al barat d'experientschas sin il champ cultural, economic e politic.

Gremi: chanzlia chantunala dal Grischun
Funtauna: rg chanzlia chantunala dal Grischun