Stampa: A la vischnanca da Stampa vegn concedida ina permissiun per manar sia scola primara (incl. scolina) a Malögia a partir da l'onn da scola 2008/09 definitivamain en furma bilingua talian/tudestga. Quai ha decidì la regenza suenter che l'experiment da scola ch'è vegnì instradà l'onn 2005, ha gì bun success. Per prolungar per in onn l'accumpagnament scientific dal project metta il chantun a disposiziun maximalmain 30'000 francs.
Tavau/Wiesen: La cunvegna da fusiun ch'è vegnida concludida da la vischnanca da Wiesen ils 22 da zercladur 2007 e da la vischnanca da Tavau ils 25 da november 2007 vegn approvada.

Contribuziuns chantunalas a differentas instituziuns
Fundaziun "concurrenza svizra da musica per la giuventetgna": A la fundaziun "concurrenza svizra da musica per la giuventetgna" vegn concedida per l'onn 2008 ina contribuziun da 6'300 francs.

Gremi: regenza
Funtauna: rg chanzlia chantunala dal Grischun