Ina delegaziun da 7 persunas dal cussegl grond da l'Appenzell dadens vegn mardi, ils 22 d'avrigl 2008 a far ina visita a las collegas ed als collegas dal Grischun a Cuira, e quai durant la sessiun d'avrigl. La delegaziun da l'Appenzell dadens vegn manada dal president dal cussegl grond Hans Brülisauer e da la vicepresidenta dal cussegl grond Gabi Weishaupt-Stalder. Da la gruppa fan part tranter auter las deputadas ed ils deputads Ruedi Eberle, Vreni Kölbener-Zuberbühler ed Alfred Inauen.
Ils giasts dal chantun Appenzell dadens vegnan beneventads dal president dal cussegl grond Leo Jeker e dal vicepresident dal cussegl grond Corsin Farrér. Da vart dal Grischun sa participeschan a la scuntrada las presidentas ed ils presidents da fracziun sco er il cusseglier guvernativ Hansjörg Trachsel. Il program prevesa d'assister la damaun a las tractativas currentas dal cussegl grond e da visitar il suentermezdi la firma Trumpf a Grüsch sco er il Plantahof a Landquart.

Gremi: chanzlia chantunala dal Grischun
Funtauna: rg chanzlia chantunala dal Grischun