Mardi, ils 3 da zercladur 2008, fa la regenza grischuna sia sesida champestra tradiziunala a Panaduz. Ultra d'ina orientaziun da la vischnanca ed ultra d'ina visita a la Hamilton SA vegn demonstrada in'acziun dal manaschi forestal. Plinavant survegnan la commembra ed ils commembers da la regenza ina invista dal project da la Ruinaulta. Sco ch'igl è tradiziun, vegnan tgirads cunzunt la saira ils contacts cun las represchentantas e cun ils represchentants da las autoritads localas. La chaschun per far quai porscha ina tschaina communabla.

Gremi: regenza
Funtauna: rg chanzlia chantunala dal Grischun