- Claustra: La revisiun parziala da la constituziun communala da la vischnanca da Claustra, concludida cun la votaziun a l'urna dals 25 da november 2007, vegn approvada.
- Luzein: La constituziun da la vischnanca da Luzein dals 15 da november 2007 vegn approvada.

Contribuziuns chantunalas a differentas instituziuns
- Archiv cultural da l'Engiadin'ota: L'archiv cultural da l'Engiadin'ota survegn in sustegn finanzial unic da maximalmain 25'000 francs per las lavurs d'inventarisaziun dals relaschs da la famiglia Romedi, da la regiun da vacanzas da l'Engiadina sco er da l'artist Gaudenz Tester ch'èn planisadas per l'onn 2008.
- Festa svizra da musicistas e da musicists: La festa svizra da musicistas e da musicists da l'associaziun svizra da musicistas e da musicists dals 24 e dals 25 da matg 2008 en il Grischun vegn sustegnida cun ina contribuziun da 12'000 francs.
- Associaziun internaziunala da l'economia da chasa: Il congress mundial per il giubielum da 100 onns da l'International Federation for Home Economics, da la federaziun internaziunala da l'economia da chasa, dals 26 fin ils 31 da fanadaur 2008 a Lucerna vegn sustegnì cun ina contribuziun da 15'000 francs.

Fatgs dal persunal
Remo Fehr, domicilià a Fanas, è vegnì promovì sco manader da l'uffizi per la natira e l'ambient. El cumenza sia plazza a partir dal 1. da settember 2008 sco successur da Peter Baumgartner che va en pensiun per quest termin.

Gremi: regenza
Funtauna: rg chanzlia chantunala dal Grischun