La promoziun da la cultura dal Grischun ha realisà quest onn per la segunda giada ina concurrenza per promover la lavur culturala professiunala per projects pitschens.
La concurrenza è vegnida annunziada il zercladur 2009 en la pressa quotidiana grischuna ed en il bulletin d'art svizzer. Il termin d'annunzia è scadì ils 14 d'avust 2009. Sco commembers da la giuria han Esther Krättli Jenny (presidenta da la cumissiun per concurrenzas da la lavur culturala professiunala [projects gronds] e commembra da la cumissiun per promover la cultura) ed Armon Fontana (promoziun da la cultura dal Grischun) analisà da mez fin la fin d'avust ils 40 projects inoltrads che derivan da las spartas culturalas las pli differentas.
Ils projects che las artistas e ch'ils artists han inoltrà èn vegnids giuditgads da la giuria areguard lur qualitad ed areguard lur professiunalitad. Grazia als stipendis libers e grazia a las contribuziuns a las ovras duain las singulas artistas ed ils singuls artists pudair sa deditgar durant in tschert temp a lur activitad creativa u realisar in tschert project cultural, e quai independentamain d'in squitsch professiunal e finanzial.
Sin recumandaziun da la giuria da la concurrenza e sin proposta da l'uffizi da cultura sustegna il departament d'educaziun, cultura e protecziun da l'ambient las suandantas artistas ed ils suandants artists sco er lur projects cun ina contribuziun:

a) Hans Peter Gansner, Genevra, e Mario Giovanoli, Cuira
sparta: musica
contribuziun a l'ovra: "kurertütschi blüüs & ballada"
10'000.– francs

b) Stefan Thomas, Cuira
sparta: musica
contribuziun a l'ovra: "Orage dans les Alpes"
5'000.– francs

c) Flurina Badel, Surcasti
sparta: litteratura
contribuziun a l'ovra: "Pergiamina"
10'000.– francs

d) Elisabeth Payer, Vienna
sparta: art figurativ
contribuziun a l'ovra: "Zyklus Wald"
10'000.– francs

e) Josias Schmid, Turitg
sparta: art figurativ
contribuziun a l'ovra: "Daguerreotypien im Hochgebirge"
10'000.– francs

f) Markus Vonlanthen, Cuira
sparta: art figurativ
contribuziun a l'ovra: "Art Brut in Graubünden"
10'000.– francs

g) Enna Salis, Reussbühl
sparta: art figurativ
contribuziun a l'ovra: "Zeichnung – übermalte Radierungen"
5'000.– francs

h) Gian Häne, Clavadel-Tavau
sparta: art figurativ
contribuziun a l'ovra: "Black Boxes"
10'000.– francs

i) Verner Solèr, Los Angeles
sparta: art figurativ
contribuziun a l'ovra: "Visits to my village"
10'000.– francs


Infurmaziuns:
Armon Fontana, promoziun da la cultura dal Grischun, Loëstrasse 26, 7001 Cuira,
tel. 081 254 16 02, e-mail: armon.fontana@afk.gr.ch.


Gremi: uffizi da cultura
Funtauna: rg uffizi da cultura