Il departament d'educaziun, cultura e protecziun da l'ambient ha nominà la successiun per il museum da la natira dal Grischun e per la biblioteca chantunala. Sco nov directur dal museum da la natira dal Grischun è vegnì tschernì Ueli Rehsteiner. La direcziun da la biblioteca chantunala surpiglia Christine Holliger.

Il nov directur dal museum da la natira dal Grischun ha num Ueli Rehsteiner. El è il successur da Jürg Paul Müller che ha manà il museum dapi l'onn 1973 e che va en pensiun per la fin da matg 2010. Rehsteiner, che ha 42 onns, è biolog e lavura dapi set onns tar l'associaziun svizra per la protecziun dals utschels ASPU/BirdLife Svizra.

Tschernì ina nova bibliotecaria chantunala
La nova bibliotecaria chantunala ha num Christine Holliger. Ella surpiglia questa plazza l'avrigl 2010 da Wolfgang Giella che ha manà la biblioteca chantunala dapi la mesadad da l'onn 2004. Holliger ha 54 onns ed è dapi il zercladur 2002 directura da l'institut svizzer per giuventetgna e medias ISGM a Turitg.


Infurmaziuns:
Barbara Gabrielli, manadra da l'uffizi da cultura, tel. 081 254 16 06


Gremi: departament d'educaziun, cultura e protecziun da l'ambient
Funtauna: rg departament d'educaziun, cultura e protecziun da l'ambient