Durant la sessiun da favrer 2009 vegn il cussegl grond a tractar la fusiun da las vischnancas da Bondo, da Castasegna, da Soglio, da Stampa e da Vicosoprano a la vischnanca da Bregaglia. La regenza propona al cussegl grond da metter en vigur la fusiun per il 1. da schaner 2010.
Sut il presidi dal deputà Christian Hartmann (Champfèr) ed en preschientscha da cusseglier guvernativ Martin Schmid sco er da represchentantas e da represchentants da las vischnancas pertutgadas, da la regiun e dal circul ha la cumissiun predeliberanta dal cussegl grond predeliberà la fatschenta per mauns dal cussegl grond. Da quai resulta la segunda fusiun ad ina vischnanca da vallada en il chantun Grischun. Cunquai che talas fusiuns vegnan giavischadas, n'è quest project insumma betg vegnì mess en dumonda. Perquai ha la cumissiun predeliberanta concludì unanimamain da proponer al cussegl grond la fusiun da las vischnancas da la Bregaglia.

Gremi: cumissiun predeliberanta per la fusiun da las vischnancas da la Bregaglia
Funtauna: rg cumissiun predeliberanta per la fusiun da las vischnancas da la Bregaglia